مجلة صبايا

فنانه في عمر الزهور تحصل على قلب وعقل الجميع شكلا واخلاقا فتصبح ملكة جمال محافظة كفرالشيخ وليس هذا فقط ولكن بموهبتها المتميزه ترسم الفرحة على وجوه الأطفال كل يوم بالنادي الرياضي بكفر الشيخ و تشع البهجة عند وجودها في المكان فتصبح روهندا ياسر منذ ٤ سنوات حديث الجميع لحسن خلقها وجمال بسمتها.
الطفل الزنان واللحوح ده نتعامل معاه إزاي؟
١/حاولي تِلْفتي انتباه الطفل لأي حاجة تانية.حُطّي قواعد بالنسبة لطلبات الطفل.
٢/حَدِّدي ساعات في اليوم للّعب على الكمبيوتر أوالكرتون. حَدِّدي أيام لشراء الحلوى، لإن الطفل حتى لو تَمَرَّد على القواعد فهو محتاج ليها عشان بتحَسِّسُه بالأمان، بس هو بيتحَدّاها عشان يختبر قوّتها.
٣/اتّفقي مع ابنك على عقاب إذا بكى أو ألَحّ في شئ من غير معاده، وكمان الاتفاق مع الآخرين المشاركين في رعاية الطفل عشان مايتهَدِّش إللي بتبنيه .
،٤/نبعد تمامًا عن الضرب، لإن العنف مش هَيحِلّ المشكلة .
٥/ابعدي عن أسلوب “هو كده”، لإنه هيخَلّي فيه صراع على السُلْطة أكتر بينكم .
٦/ابعدي عن التَحَكُّم الزائد في طفلِك، وعدم إعطائه قُدْرة على الاختيار أو التعبير عن نفسه.
٧/ابعدي تمامًا عن إجابة طلبه لحد ما يطلب بالشكل المناسب، وبالنبرة المُهَذَّبة.ملامح وجهِك ونظراتِك وحركات جسمِك لازم تعكس الحَزْم والإصرار، وإنك مش هتتراجعي عن موقفِك في عدم إجابة طلبه لحد ما يتكَلِّم بالأسلوب المُناسِب.
٨/عشان تثبتي على موقفك، ماتحُطّيش في حسابك كلام الآخرين ومدى اقتناعهم بطريقة تربيتك لابنك. اعملي إللي إنتي شايفاه صح.
٩/إنتي مش محتاجة إنك تثبتي للناس حُبِّك وكَرَمِك مع أطفالِك .خَلّيكي قُدْوة لأطفالِك في طريقة عَرْض طلباتِك .
١٠/شَجَّعي ابنِك لمّا يطلب بشكل لائِق ومُهَذَّب.
١١/في وسط ثورة الطفل تجَنَّبي التعبير عن تَفَهُّمِك لمشاعره أو محاولة توجيهه، لإنه هيفهم إنك بتنكري مشاعره، وبالتالي هيحاول توصيلها بشكل أكثر قوّة، أو هيلاقي إن سلوكه يجذب الانتباه إللي هو عايزه فهَيستمر في سلوكه غير المقبول. استَنّي لحد ما يهدأ، وبعدين اتكَلِّمي معاه .
١٢/اوعي تقولي لطفلِك: “إنت قليل الأدب” لمّا يتكَلِّم بطريقة غير لائقة. قوليله: “أنا مُتَوَقِّعة منَّك تتكَلِّم بالشكل الفُلاني”، أو “أنا مُتَوَقِّعة إنك تقولّي من فضلِك يا ماما” بدل ما أقولُّه ماتتكَلِّمش بصوت عالي .
١٣/اوعي تخضَعي لإلحاحه عشان تتخَلَّصي من الزَنّ، لإنك بكده بتِدْعَمي السلوك مش بتعالجيه.خَلّيكي عارفة إنك بتغيير أسلوبِك في التعامُل مع طفلِك إن الطفل هيزيد في السلوك السيّء قبل التَحَسُّن. كل إللي عليكي هو الثبات، لإن الطفل بيختبر قوّة الحدود الجديدة… O
5 اماكن مهمه عند تحميم طفلك
حول الرقبة
نظفي رقبة صغيرك جيدًا من الأمام والخلف، فلأن الرضيع بحجم صغير قد تكون رقبته منكمشة بعض الشيء، لكن هذه الثنيات قد تحمل بعض العرق أو الغبار وبالطبع الجراثيم. انتبهي لتنظيفها جيدًا عند مسح جسم طفلك أو تحميمه مع تجفيفها جيدًا بعد ذلك.
وراء الأذنين
بسبب تحذيرات الأطباء من ضرورة إبعاد الماء عن الأذن، قد تنسين تنظيف أذني رضيعك جيدًا. يمكنك مسحها في كل الأحوال بفوطة مبللة بالماء أو بالمناديل المبللة الآمنة على بشرتك رضيعك، ولا تنسي منطقة ما خلف الأذنين لأنها تتعرض للعرق وتراكم الأوساخ.
المنطقة التناسلية
ألم جيدًا أنها من أكثر الأماكن التي تنظفينها في كل مرة تغيرين فيها الحفاض لرضيعك أو لرضيعتك لكن عليك الانتباه لتنظيفها جيدًا خاصة ما بين الثنيات أو ما بينها وبين الفخذين أو الثنيات الصغيرة إن كانت مولودة أنثى لأن البول أو البراز يكون ممتدًا لكل تلك الأماكن وقد تغفلين على تنظيفها أو غسلها أو مسحها جيدًا فيتبقى بعض الأثر وهو ما يؤدي في النهاية لمشكلات جلدية كثيرة أشهرها التهاب الحفاض. احرصي أيضًا على تجفيف المنطقة جيدًا ودهن كريم خاص للوقاية من حدوث الالتهاب بمنطقة الحفاض.
تحت الثنيات
إن كان رضيعك قد تجاوز الشهر السادس فمن المؤكد أنه قد اكتسب وزنًا أكبر، وإذا كانت تقسيمة الدهون في جسمه قد منحته بطنًا بارزة أو ثنيات في فخذيه، فربما تنسين تنظيف ما تحت ثنية البطن أو ما بين تلك الثنيات أو الركبة من الخلف أو غير ذلك، وهذا يؤدي لصدرو رائحة كريهة بسبب العرق أو الأوساخ أو الجلد الميت. انتبهي لذلك.
السرّة
السرة من أكثر الأماكن التي تهتم بها الأم في المرحلة الأولى لحين سقوط الحبل السري والتئام الجرح، ثم تنساها أحيانًا بعد ذلك، بل قد ننسى نحن الكبار تنظيفها أثناء استحمامنا. لكن لأن الرضع أكثر حساسية منّا ويحتاجون رعايتنا فعليك الانتباه لتنظيف مكان سرة رضيعك جيدًا المرة تلو المرة أثناء الاستحمام أو عند مسح جسم طفلك للتخلص من أي بكتيريا ضارة. لا تنسي تجفيفها لأنها مكان ضيق قد لا يجب بسهولة فتظل رطبة والرطوبة بيئة مناسبة لنمو البكتيريا مرة أخرى.
إن وصف الطفل غير المرتب والذي يلقي بأغراضه في كل مكان بالطفل الهمجي والغير منظم لا يغير هذا السلوك لديه، فهو بذلك لم يتعلم السلوك الجيد المطلوب اتباعه فالعقل الباطن لم يستوعب ماهو المطلوب فعله ، فقط يستمع الي لوم و توبيخ ،فيجد نفسه تائها لا يعلم ما يجب ان يفعل كي ينال رضا من حوله.
ولكن الافضل هو أن نعطيه بكل هدوء صورة واضحة عن نفسه ومدي الضرر اللذي يسببه لنفسه قبل الاخرين لكي يسعى مع الوقت إلى تحسين هذه الصورة و ينتهي السلوك السيء .
لذلك فيجب لمصلحة الطفل التركيز بشكل أساسي وبنّاء على كيفية تعديل أو تغيير السلوكيات غير المقبولة بدل التركيز على توجيه اللوم والانتقاد لشخص الطفل.
وهنا نقدم لكل ام واب ١٠ نقاط لتغيير السلوك السيء لدي الطفل .
١- حدد بالضبط السلوك اللذي ترغب في تغييره.
ففي بعض الاحيان لا نستطيع تحديد ماهي المشكلة تماما ويختلط علينا الامر .
مثال:- طفل سريع الحركة يكسر اي شيء في طريقه دون اهتمام ، هل هذا الطفل يقصد ما يفعل للفت الانتباه ؟ هل هذا الطفل لديه فرط حركة ولا يستطيع السيطرة علي نفسه و التركيز ؟ هل هذا الطفل ينتقم بطريقته الخاصه من والديه نتيجة سوء معاملة مثلا ؟ او يجوز ان هذا الطفل ينقصه الكثير من الوعي لكي يتعلم قيمة الاشياء و كيفية المحافظه عليها .
٢- تكلم مع ابنك بوضوح حول ما تريد منه فعله وليس علي ما قد فعله .
الحديث السلبي لا جدوي منه فقط يقلل من ثقه الطفل في نفسه وقدراته بالتدريج . و الافضل هو ان نحدد للطفل السلوك الجيد اللذي سوف يبدأ اتباعه فيستطيع عقله الواعي التعامل معه.
مثال :- لا تتكلم بصوت مرتفع .
هنا العقل لم يفهم ما هو مطلوب . هل يجب ان يصمت تماما او يتكلم بصوت منخفض ام يغني ام يبكي !!! . الافضل توجيه الامر بشكل ايجابي واضح ( تكلم بصوت منخفض )
٣- وضح لطفلك كيفية فعل السلوك الصحيح .
فلا تترك ابنك حائرا كيف افعل ماهو مطلوب مني . فالطفل ماهو الا ورقة بيضاء يكتب بها مع كل ثانيه ما يتعلمه من والديه .
٤- أمدح الطفل واشكره دائما علي السلوك الجيد . حتي يحب هذا السلوك لانه سبب مدح و فرحة له و لان كل سلوك يرتبط بمشاعر لدي الانسان يظل في الذاكره بشكل اسهل .
٥- استمر في المدح حتي يصبح السلوك عادة .
٦- اجتنب العنف في التوجيه و استبدله باللعب .
مثال:- بدل ارغامه علي النوم و الذهاب الي الفراش ، تسابق معه من يصل للفراش اولا .
وبذلك سوف تختصر الكثير من المعارك التي لا جدوي منها .
٧- لا تذكر ابنك باخطاء الماضي حتي لا يصاب بالاحباط و ربما تكون انت نفسك سبب في استرجاع سلوك سيء كان قد توقف عنه .
٨- كن مع ابناءك و اظهر لهم اهتمامك بمتابعة مدي تطورهم و التزامهم . فاذا فقدوا هذا الاهتمام سوف بالفعل يفقدوا الدافع لتغيير السلوك .
٩- كن قدوة لابنائك دائما و اعط لهم المثال الحسن . فلا تطلب منهم التوقف عن الكذب مثلا و هم يرون انك تفعل ذلك امامهم دون ادني حرج .
١٠- لا تحاول توجيه ابنك بالامر او النهي ابدا وانت في حالة صعبة . كالارهاق ،التوتر والغضب .
واخيرا ، لا تشكي طفلك وسلوكه فتذكر دائما هذه المقولة ( أبنك زي ما انت عايش مش زي ما انت عايز ) وفقنا الله جميعا في التربية وتنشأة جيل جديد مبني علي الاخلاق و القيم .
إزاي تعاقبي ولادك صح ومن غير ضرب ؟!
.
☺☺☺☺
تعبتي من ضرب ولادك ومش نافع معاهم ؟
😑😑😑😑😑😑😮
مهما كان عمر طفلك هتلاقي العقاب المناسب لعمره…
الناس اللي عايزه حلول سحريه في التربية كأنها عصا سحرية .
حضرتك ربيتي ابنك بأسلوب كله ضرب واهانة وبهدلة ﻷن دا اللي كنا نعرفة فطبيعي سلوكيات ابنك تكون رد فعل ﻷسلوبك .
عشان تربي ابنك من جديد باساليب صح ومن غير ضرب لازم تصبري عشان تشوفي نتائج تغيير أسلوبك .
بلاش تستني من اول يوم هتستخدمي أسلوب جديد انك هتلاقيه ناجح 100% . مره هيجيب نتيجه ومره لا وهكذا لحد مهتنجحي وتستغني عن الضرب نهااااااائي
تربية الأبناء محتاجه صبر ثم صبر ثم صبررررررر
.
1- طفلك من عمر تسع شهور لحد سنه ونص :
فاهم كل حاجه وهتلاحظي دا لما تلاقيه بيعمل حاجه غلط وتعلي تون صوتك بشكل حاد شويه
هتلاقيه تاني مره لما هييجي يعمل نفس الغلطه بيبصلك عشان عارف ومتأكد انك هتغيري نبرة صوتك وهتبصيله في عنيه وانتي غضبانه ساعتها هيربط بين غلطة ورد فعلك
طفلك في السن دا فاهم الصح والغلط بس لسه مش مدرك بيضرب ليه فأنسب تصرف وعقاب ﻷخطاء الرضع النبره الحاسمه وقت الخطأ واهم حاجه انك تكوني قريبه جدا منه عشان يدرك أن الكلام موجه ليه .
2- لو طفلك سنه ونص لحد سنتين ونص وأخطأ
في اسلوب تاني للعقاب انك لو قاعده في اوضه تمسكيه من ايده وتقعديه لمدة دقايق بسيطه وامتنعي عن الكلام معاه أو البص عليه لحد ميبدأ بكاء هتلاقيه بيترمي في حضنك وعارف انه عمل غلط وعشان كده بيتعاقب ..
والنوع دا من العقاب بينفع وقت العياط من غير سبب وقت متقوليله اسكت ومش عايز يسكت وقت ميكون عمال يصرخ من غير سبب .
مع مراعاة إن الطفل مش مريض ويكون واكل وشارب ومغير البامبرز وشبعان نوم يعني مفيش سبب ضروري مخليه يتصرف كده .
وصدقيني دي اهم مرحله في حياة طفلك او عرفتيه الصح والغلط وكنتي رقيبه علي كل تصرفاته هيعملك ألف حساب في سنينه الجايه وهيريحك
لا هتلاقي عنيد ولا صوت عالي ولا صريخ ولا مد ايد ولا اى حاجه تخليكي تحسي انك فشلتي في تربيتهم .
● ممنوع منعاً باتاً انكم تقولوا تف علي عمو او اضرب جدو او شد شعر خالتو او او او من هذه التصرفات اللي بتخلي الطفل يتجرأ علي الكبار وبيعتبر هذه التصرفات حق مكتسب .
3- لو طفلك عمره من تلت سنين ل 10 سنين :
أ- وبيعيط وبيزن وعمال يترمي علي الارض عشان عايز طلب معين . بصي في عينيه وقوليله كلمه واحده ” انت عارف انا كنت هجبلك الحاجه بس عشان انت عيطت وعملت كده ومطلبتش بأدب مستحيل اجيبهالك ”
ومتقوليش اكتر من كده واوعي ثم اوعي تتراجعي عن كلامك وتجبيله الحاجه حتي لو تحول لملاك بجناحين ..
مره على مره هتلاقيه بطل التصرف دا نهااااااائي .
وفي وقت معاقبته تجاهلي عياطه تماماً ولو حاول يمد ايده امسكي ايده جامد وقوليله عيب تضرب ماما بنبره شديده وابعدي عنه .
وبعد مايهدي ويبطل نوبة الغضب هاتيه وبوسيه وطلبي منه يعتذرلك علي سوء تصرفاته وبوسيه واحضنيه ولازم يعتذرلك . وانتهينا علي كده والحاجه اللي هوه عايزها تيجي بمزاجك إنتي ..
ب- لو طفلك بيعاندك او بيضايقك او بيضرب اخواته او وقع حاجه ومش حابب ينضف المكان او شقي جدا ومش مبطل عفرته و متعمد يضايقك بأي شكل ومش سامع كلامك
● جربي كرسي المشاغبين لما تفقدي السيطره
هو كرسي أو مكان مفيهوش ترفيه ممكن يكون مكان في غرفة المعيشة
يتم إلزام الطفل بالجلوس فيه لمدة خمس دقائق لما يعمل اى تصرف يضايقك (احرصي دائما على وجوده في الغرفة نفسها اللي انتي موجودة فيها ولا ترسليه لغرفة أخرى أبدا ).
وكل ما يقوم قبل ما المده تنتهي ترجعيه ببساطه لمكانه لحد ميتم المده ولو لقيتيه مش فارق معاه زودي المده بحيث لا يتجاوز الوقت ١٠-١٥ دقيقة
اغلب الأطفال بيستجيبو لوالديهم خلال المده دي . ولما تخلص المده هاتيه وعرفيه عاقبتيه ليه واطلبي منه يبوسك ويعتذر واحضنيه .
● جربي تخليه لما يغلط يقفز 20 قفزه ولما تخلص المده هاتيه وعرفيه عاقبتيه ليه واطلبي منه يبوسك ويعتذر واحضنيه .
● هدديه انك هتحرميه من المصروف او اللاب او الهاتف او الكمبيوتر او مشاهدة التلفزيون او الذهاب للنادي او الخروج يوم الاجازه او اللعب مع اصحابه في الوقت المحدد ولو مستجبش نفذي تهديدك ومهما يعمل تجاهلي تصرفاته ونفذي عقااابك ولو صعبان عليكي افتكري انك بتعملي لمصلحته وانك بتعملي كل دا عشان ايدك متتمدش عليه ويفضل الاحترام قائم مابينكم ﻷن الضرب اهانه للطفل ولكرامته وليس تربية نهااااااائي .
● نظام العقاب الذكي بتختاري تلت عقوبات او بتخلي طفلك يختار تلت عقوبات تشوفيهم مناسبين للغلطه زي حرمان من الصروف او الحرمان من الفسحه او الحرمان من الموبايل و التاب او اى تلت عقوبات تشوفيهم انتي يناسبوا غلطته وتقوليله اختار عقوبه من التلاته عشان تنفذها على نفسك ولازم تكون تنفيذ العقوبه بجديه . ودا هيخلي الطفل يفكر مليون مره قبل الغلط . والصراع هيكون بينه وبين نفسه مش بينه وبينك .
مجلة صبايا 